Vendosja e rekordit të ri me 18 gola të shënuar në historinë e botërorve nga Lionel Messi ishte lajmi i ditës në median sportive në mbarë botën.
Argjentinasi me dy golat e shënuar ndaj Austrisë iu shkëput legjendës gjermane Miroslav Klose që deri më tani kryesonte me 16 gola të shënuar. Ky i fundit nuk vonoi të reagojë pas rekordit të ri të vendosur nga kapiteni i Argjentinës duke e përkufizuar si futbollistin më të mirë të të gjitha kohërave.
‘Për mendimin tim, Lionel Messi është futbollisti më i mirë i të gjitha kohërave.Urime kampion!-deklaroi Klose për ‘Süddeutsche Zeitung’
Në ndeshjen e raundit të parë, Messi shënoi 3 gola ndaj Algjerisë për të barazuar sulmuesin mitik gjerman me 16 gola dhe ndaj Austrisë me dy golat e tjerë ndodhi edhe shkëputja e tij dhe tani është i vetëm në krye të klasifikimit historik.
Vetëm përpara 5 ditësh, Klose për të njëjtën të përditshme e kishte ndjerë se rekordi i tij do të thyhej në këtë botëror.
‘Është gjithçka shumë në rregull. Rekordi do të thyhej herët a vone dhe unë jam i lumtur që e thyen Messi. Jam një admirues i madh i tij, gjithnjë kam thënë-ishin fjalët e Kloses në atë intervistë ku ndër të tjerat e përkufizoi Messin si një gjeni.
Top Channel
