Një gol i Ismael Saibarit vetëm pak sekonda pas fillimit të ndeshjes (minuta e 2-të) i mjaftoi Marokut për të mposhtur Skocinë me rezultatin 0-1.
Ky realizim i rrufeshëm ishte vetëm paralajmërimi i një dominimi total nga “Luanët e Atlasit”, të cilët e diktuan ritmin me 60% të zotërimit të topit falë yjeve si Hakimi dhe Brahim Diaz.
Skuadra skoceze, pavarësisht emrave si Robertson apo McTominay, u gjend në tapet dhe nuk arriti kurrë të reagonte. Statistika më tronditëse e sfidës flet vetë: Skocia regjistroi zero goditje në kuadrat për 90 minuta të plota. Nga ana tjetër, vetëm dy pritje shpëtimtare të portierit skocez Angus Gunn shmangën një disfatë shumë më të thellë.
Pavarësisht pesë zëvendësimeve të kryera në pjesën e dytë për të ndryshuar rrjedhën e lojës, Skocia mbeti tërësisht e pafuqishme. Maroku siguron tri pikë plotësisht të merituara dhe marshon i sigurt përpara, ndërsa skocezët mbeten duarbosh dhe në krizë rezultatesh.
Top Channel
