Një histori sa prekëse aq edhe fatkeqe po vjen nga Kupa e Botës, ku nëna e portierit të Kepit të Gjelbër, Vozinha, ka nisur një udhëtim të gjatë për të ndjekur dhe mbështetur djalin e saj në skenën më të madhe të futbollit botëror.
Për fat të keq, ajo nuk arriti dot ta përjetonte nga afër debutimin historik të Vozinha-s në këtë turne, pasi u përball me disa probleme të papritura burokratike lidhur me pajisjen me vizë. Ky moment i madh për karrierën e portierit u zbeh disi nga mungesa e njeriut të tij më të shtrenjtë në shkallët e stadiumit.
Megjithatë, pengesat tashmë duket se po zgjidhen dhe të gjithë shpresojnë që nëna e tij, Ana, të jetë e pranishme në tribuna për ndeshjen e radhës, duke plotësuar kështu ëndrrën e madhe familjare për të parë djalin e saj duke mbrojtur ngjyrat e kombëtares në një Kampionat Botëror.
Top Channel
