Vriten katër ushtarë izraelitë, Izraeli godet objektivat e Hezbollahut në Liban 19/06 10:08
Skema e ngjyrave
Madhësia e shkrimit
Presidenti i SHBA-së, Donald Trump, u përball me një moment të sikletshëm gjatë një ceremonie në Shtëpinë e Bardhë, ku po nderonte tre veteranë ushtarakë me Medaljen e Nderit, dekorata më e lartë ushtarake amerikane.
Gjatë ceremonisë, Trump pati vështirësi t’i vendoste medaljen në qafë Majorit të Ushtrisë, Nicholas Dockery. Siç u pa edhe në pamjet e publikuara, presidenti amerikan u përpoq për disa sekonda ta fiksonte medaljen, por pa sukses. Pas një momenti ngurrimi dhe heshtjeje, ai zgjodhi një zgjidhje praktike, duke lidhur shiritin e medaljes me një nyjë.
Ndryshe ndodhi me Majorin e Marinës, James Capers Jr., të cilit Trump ia vendosi medaljen pa asnjë problem.
🚨 JUST IN: President Trump personally supports retired US Marine James Capers Jr., 88, and awards him the MEDAL OF HONOR
Incredible moment ❤️🇺🇸 pic.twitter.com/epajKLzK6w
— Eric Daugherty (@EricLDaugh) June 18, 2026
Medalja e Nderit iu dha tre veteranëve për akte të jashtëzakonshme heroizmi në Vietnam dhe Afganistan. Përveç Capers Jr. dhe Dockery, dekorata iu akordua pas vdekjes edhe Kolonelit të Marinës, John Ripley, i cili ndërroi jetë në vitin 2008.
“Këta janë burra të shkëlqyer, njerëz të shkëlqyer. Ju falënderojmë dhe nuk do t’ju harrojmë kurrë”, deklaroi Trump gjatë ceremonisë.
🚨 LMAO! President Trump has a hard time putting the Medal of Honor on Major Nicholas Dockery and the room is cracking up
"Ooh! I'm gonna do it a little differently, a little nicer. That sucker's NEVER coming off!" 😂 pic.twitter.com/bbV7cH3n7d
— Eric Daugherty (@EricLDaugh) June 18, 2026
James Capers Jr., 88 vjeç, u nderua për guximin e treguar gjatë një misioni në Vietnam në vitin 1967. I plagosur rëndë pas një shpërthimi mine, ai mori komandën e njësisë së tij, thirri mbështetje ajrore dhe siguroi evakuimin e të gjithë ushtarëve të plagosur përpara se të largohej vetë nga zona e luftimeve.
Nicholas Dockery u dekorua për veprimet heroike në Afganistan në vitin 2012, kur njësia e tij u përball me një pritë nga rreth 150 luftëtarë talebanë. Ai shpëtoi ushtarë të plagosur nën zjarr, eliminoi dy sulmues që rrezikonin jetën e një kolegu dhe refuzoi të largohej nga zona derisa të gjithë të plagosurit të transportoheshin në siguri.
Ndërsa Koloneli John Ripley u nderua pas vdekjes për një operacion të jashtëzakonshëm në Vietnam në vitin 1972, kur vendosi i vetëm rreth 500 kilogramë eksplozivë për të shkatërruar një urë strategjike, duke penguar avancimin e mbi 30 mijë ushtarëve dhe qindra tankeve të Vietnamit të Veriut.
Ceremonia u shoqërua me emocione dhe vlerësime për sakrificat e veteranëve, ndërsa momenti i Trump me medaljen tërhoqi gjithashtu vëmendjen e mediave dhe rrjeteve sociale.
Top Channel
