Pas barazimit zhgënjyes në ndeshjen me Republikën Demokratike të Kongos, Portugalia është vënë në qendër të vorbullën e kritikave të fort për paraqitjen e bërë në fushën e lojës në ndeshjen debutuese të Botërorit.
Në mënyrë të veçantë në shënjestër u vu pikërisht Cristiano Ronaldo. Fenomeni portugez nuk arriti të lërë gjurmë dhe në ndonjë rrethanë u duk edhe pak egoist; të gjithë e dinë që Ronaldo është në kërkim të golit që do ta bënte atë të vetmin futbollist që shënon në 6 edicione të ndryshme botërorësh.
Dëshira për të vendosur këtë rekord e bëri më pak të kthjellët 5 herë fituesin e Topit të Artë që në një moment i mohoi një rast të shkëlqyer Bruno Fernandes. Një zgjedhje që një personalitet i kalibrit si Thierry Henry e kritikoi shumë ashpër.
‘Ështe skuadra ajo që duhet të shënojë, jo ti-tha ish sulmuesi francez që më pas analizoi aksionin ku Ronaldo i parapriu futbollistit të Manchester United
‘Cristiano është gjendur në këtë situatë 1 mijë herë-shtoi Henry-me një lëvizje drejt portës do të detyronete mbrojtësin të mbyllte zonën e vogël. Por duke qenë se ai donte të shënonte, e vendos veten në trajektoren e pasimit prapa për Bruno Fernandes. Reagimi i shokur të skuadrës e thotë qartë: ‘lëre topin, vrapo, krijo hapësirë që unë të dërgoj topin në rrjetë’, por kjo nuk ndodhi’.
Top Channel
