Një çift bashkëshortësh kanë rënë pre e një dhune barbare mëngjesin e kësaj të mërkure në Fushë Arrëz.
Pasi u dhunuan me sende të forta, ata u dërguan drejt spitalit për ndihmë mjekësore, nga ku kanë dëshmuar dhunën nga personat e maskuar.
Skënder Nika tregon se ishte kthyer nga puna në orën 06:00 të mëngjesit, ku pranë shtëpisë i kanë dalë 5-6 veta të maskuar. Pasi e rrahën, ushtruan dhunë dhe ndaj bashkëshortes së tij Bardhe Nika.
“Kam lënë punën në orën 6 të mëngjesit. Kam dalë pak nga shtëpia, më kanë dalë 5-6 veta me armë, të maskuar, me shkop.
Më kanë rrahur mua, dhe gruan. Më thanë: mbylle gojën, mos bërtit, dhe do na i bëjnë më keq. Konflikte nuk kemi, por mund te këtë ngatërresa për bjeshkët. Para katër ditësh kam pas një konflikt me një familje në fshat për dredhëza. Me të njëjtët kam pasur dhe 4 vite më parë, më kanë akuzuar se kam spiunuar. Na kanë dëmtuar shumë gjëra neve. Nuk morën vesh. Kam kërkuar ti betohem e kam bërë çdo gjë që nuk kam paditur e spiunuar asnjë por nuk kanë pranuar. I vetmi konflikt ky është. Familja është në fshat, poshtë shtëpisë sime. Familja Balaj, aty dyshoj“, dëshmoi ai.
Top Channel
