Nëse mendonit se skenari më i keq për Anglinë në këtë turne do të ishte ndonjë dështim i zakonshëm apo skualifikim i hershëm, fati sapo u ka treguar “Tre Luanëve” se ka plane shumë më kreative për ta.
Siç dëshmohet qartë nga titujt e mediave të huaja, përfaqësuesja angleze nuk po gjen absolutisht asnjë sekondë qetësi, duke u përballur me një seri fatkeqësish të njëpasnjëshme që ngjajnë më shumë me shenjat e fundit të botës sesa me një përgatitje normale sportive.
Gjithçka nisi në Kansas City, ku kampi i tyre stërvitor u përfshi fillimisht nga një alarm i frikshëm për tornado, i cili u pasua menjëherë nga një ngjarje e rëndë me nëntë të plagosur nga të shtënat me armë zjarri fare pranë bazës së tyre të qëndrimit.
Sikur mos mjaftonin forcat e natyrës dhe problemet e sigurisë, dikush mendoi se lojtarët kishin nevojë për pak më shumë dramë, duke u vjedhur një pjesë të mirë të pajisjeve stërvitore e duke çuar dy persona prapa hekurave.
Top Channel
