Iluzioni i Ekuadorit për kampionatin Botëror të futbollit ka kaluar të gjithë kufijtë e këtij sporti. Presidenti i vendit Daniel Noboa bëri të ditur marrjen e një mase ekskluzive vetëm për periudhën e Kupës së Botës në SHBA, Kanada dhe Meksikë.
Çmimi i birrës në vend është 20% më i ulët duke nisur nga 11 qershori dhe do të qëndrojë në fuqi deri në 19 korrik kur do të luhet edhe finalja e madhe e kompeticionit.
Noboa e bëri të ditur këtë mase i veshur me fanelën e kombëtares dhe me një mikrofon në dorë.
‘Gjatë Botërorit do të heqim të taksën speciale të konsumit për të gjitha pijet për konsumim të moderuar duke përfshirë edhe birrën. Në këtë mënyrë çmimi i birrës ulet me 20%-deklaroi presidenti ekuadorian
Reagimi ishte i menjëhershëm dhe ajo që pritej; duartrokitje dhe thirrje plot eufori.
‘Secili prej jush do të mund të shijojë këtë Botëror në mënyrën më të mirë, me skuadrën tonë të jashtëzakonshme dhe që do të shkojë shumë larg’-përfundoi presidenti ekuadorian.
Top Channel
