Kaos para Botërorit/ Përmbytet stadiumi, rrufetë “bllokojnë” yjet e Anglisë në Amerikë (Video)

Takimi, i cili po zhvillohet në “Inter&Co Stadium”, është testi i fundit dhe mjaft i rëndësishëm për “Tre Luanët” e Thomas Tuchel përpara fillimit zyrtar të Kampionatit Botëror 2026. Megjithatë, natyra ka pasur plane të tjera.

Protokolli i rreptë i sigurisë: Lightning Protocol

Reshjet e rrëmbyeshme kanë rënë vetëm pak para fillimit të planifikuar të ndeshjes, duke bërë që fusha të mbushet me ujë në kohë rekord. Përveç shiut, rreziku kryesor vjen nga rrufetë e shpeshta që kanë goditur zonën.

Sipas protokollit të rreptë të sigurisë në SHBA për eventet sportive në ambiente të hapura:

• Nëse diktohen rrufe në një rreze prej 8 miljesh (rreth 13 km) nga stadiumi, ndeshja pezullohet ose shtyhet automatikisht.
• Lojtarët, stafi dhe arbitrat udhëzohen të qëndrojnë menjëherë në dhomat e zhveshjes.
• Tifozëve u kërkohet të evakuojnë tribunat e hapura dhe të strehohen në zona të mbrojtura.
• Ndeshja nuk mund të fillojë ose të riniset pa kaluar të paktën 30 deri në 45 minuta nga rrufeja e fundit e regjistruar në atë rreze.

Ditë të trazuara për Anglinë në Florida

Përgatitjet e kombëtares angleze në tokën amerikane po rezultojnë mjaft “aventureske”. Kjo stuhi vjen vetëm dy ditë pasi një tërmet i fuqishëm me magnitudë 6.1 ballë, me epiqendër në Kubë, lëkundi të gjithë shtetin e Floridës, përfshirë edhe zonën ku ishte akomoduar delegacioni anglez. Për momentin, organizatorët kanë njoftuar një shtyrje fillestare, me shpresën se stuhia do të zhvendoset shpejt dhe se sistemi i drenazhit të stadiumit do të bëjë punën e tij për të lejuar rrotullimin e topit.

🚨𝗕𝗥𝗘𝗔𝗞𝗜𝗡𝗚:

England 🏴 and Costa Rica 🇨🇷’s match has been postponed due to severe weather conditions in Orlando.

🌧️⛈️
Heavy rain continues to hit Orlando City Stadium ahead of the game. 😳 pic.twitter.com/R7Ds39fs4m

— 5iftyZero (@5iftyzero) June 10, 2026

Top Channel