Kupa e Botës ka nisur, por te kombëtarja e Brazilit vëmendja është përqendruar te një mungesë shumë e rëndësishme në formacionin titullar.
Trajneri Carlo Ancelotti ka vendosur të lërë jashtë 11-shes fillestare yllin 34-vjeçar, Neymar, në këtë start të turneut. Shkaku kryesor i këtij vendimi është një dëmtim i fundit dhe gjendja fizike e sulmuesit, gjë që ka ndryshuar plotësisht planet e teknikut italian. Për të mbushur boshllëkun e lënë nga ‘O Ney’, Ancelotti ka zgjedhur të modifikojë rreshtimin, duke i besuar çelësat e mesfushës Lucas Paquetá-s.
Lojtari pritet të marrë rolin e organizatorit të mirëfilltë, një pozicion “numri 10” që në vitet e fundit tradicionalisht është mbajtur pikërisht nga Neymar. Detyra e Paquetá-s do të jetë e qartë dhe mjaft delikate: të ndërtojë lojën, të diktojë ritmin dhe mbi të gjitha të furnizojë me topa treshen e frikshme sulmuese, aty ku spikat padyshim shpejtësia dhe teknika e Vinícius Junior.
Brazili mbetet një nga favoritët absolutë të këtij Botërori, por tani mbetet për t’u parë se si do të funksionojë në fushë mekanizmi i “Seleção” pa liderin e saj historik.
Top Channel
