Suedia, që u kualifikua në Botëror përmes playoffit falë paraqitjes së saj në Nations League, vazhdon të rrethohet nga dyshime pa fund.
Vetëm përpara pak ditësh u mund pastër nga Norvegjia në ndeshjen e parë miqësore të këtij muaji dhe tani ndaj Greqisë nuk shkoi më shumë se barazimi 2-2.
Ishte skuadra greke ajo që mori avantazhin që në minutën e 10 me Tsimikas me skuadrën helene që diti të ruajë këtë avantazh deri në fundin e pjesës së parë.
Pas pushimit të ndeshjes, Suedia reagoi dhe arriti të përmbysë gjithçka. Në minutën e 53 Victor Gyokeres barazoi shifrat në 1-1, ndërsa në të 69, skuadra skandinave mori avantazhin në 2-1 me golin e shënuar nga Nilsson. Dukej se për Suedinë po shkonte gjithçka mirë, por në minutën e 95, Greqia e ndëshkoi Suedinë me Georgios Masouras duke barazuar rezultatin në 2-2 që ishte edhe ai përfundimtar i kësaj sfide.
Top Channel
