“I vura ultimatum…”, Khloé Kardashian habit me rrëfimin për Tristan Thompson për më shumë fëmijë

Gjatë episodit më të fundit të podkastit të saj “Khloé in Wonder Land”, të publikuar të enjten më 28 maj, ylli i reality show-t ftoi ish-të dashurin e saj për një bisedë të hapur, ku të dy zbuluan detaje intime nga raporti i tyre.

Në një moment të intervistës, Kardashian e pyeti Thompson nëse kishte menduar të kishte më shumë fëmijë në të ardhmen.

“Mendoj se kam miratuar dy embrione. Pra, nëse do të kem më shumë fëmijë, do të vijnë nga ti. Unë tashmë kam mjaftueshëm nëna foshnje. Nuk dua më shumë”, u shpreh basketbollisti.

Përveç dy fëmijëve që ka me Khloé Kardashian, vajzës True dhe djalit Tatum, Tristan Thompson është gjithashtu baba i Prince me ish-partneren Jordan Craig dhe Theo me Maralee Nichols.

Gjatë bisedës, Kardashian pranoi se kishte ndikuar drejtpërdrejt në vendimin e tij për vazektominë.

“Dhe kush të ndihmoi ta merrje atë vendim? Isha unë”, tha ajo me humor, duke shtuar:

Tristan mund të ketë pasur një ultimatum të vogël nga unë.

Ndërsa Thompson reagoi me ironi: Çfarë? Të kastrohesha?

Ylli i NBA-së la të kuptohej se në fillim nuk kishte qenë dakord me idenë, duke pranuar: Ndonjëherë kam qenë pak kokëfortë… Do të doja të mos isha aq kokëfortë.

Megjithatë, ai tha se në fund e kuptoi se ishte vendimi i duhur.

“Ndonjëherë duhet të detyrohesh të marrësh vendimin e duhur”, deklaroi Thompson gjatë podcastit.

Pavarësisht se i është nënshtruar vazektomisë, basketbollisti konfirmoi se nuk planifikon të ketë më shumë fëmijë dhe zbuloi se ka firmosur ligjërisht të drejtat për embrionet e tij me Khloé Kardashian.

Top Channel