Takimi Trump-Xi/ Ekspertja e gjuhës së trupit nxjerr ‘zbuluar’ dy liderët: Presidenti amerikan zgjati dorën i pari, shenjë dominimi 14/05 11:47
Ministri i Jashtëm rus, Sergey Lavrov, i akuzoi Shtetet e Bashkuara për vazhdimin e politikave armiqësore të administratës Biden, teksa u ankua se dialogu me presidentin amerikan Donald Trump nuk ka prodhuar deri më tani asnjë marrëveshje të prekshme.
Në një intervistë për mediat shtetërore ruse, Lavrov shprehu shqetësimin se Uashingtoni nuk po i zbut sanksionet ndaj Moskës. Edhe pse Shtëpia e Bardhë përdor “fjalët e duhura” për projektet teknologjike dhe energjetike me përfitime reciproke, në realitet, nuk ka pasur veprime konkrete, u shpreh ai.
“Sipas praktikës, përveç këtij dialogu të rregullt që është normal në komunikimin midis njerëzve dhe shteteve, çdo gjë tjetër është njësoj me linjën që nisi ish presidenti Biden”, deklaroi kreu i diplomacisë ruse sipas The Moscow Times.
Lavrov u shpreh se të gjitha sanksionet e mëparshme mbeten aktive dhe se administrata Trump po ndërmerr iniciativat e veta për të “ndëshkuar” ekonomikisht Rusinë. Ministri i Jashtëm kritikoi veçanërisht sanksionet e fundit amerikane ndaj gjigantëve rusë të naftës, Lukoil dhe Rosneft, si dhe presionin e Uashingtonit mbi blerësit ndërkombëtarë të naftës ruse, duke i quajtur këto veprime “të paligjshme” dhe “të papranueshme”.
Sipas ministrit të Jashtëm rus, qëllimi i vërtetë i SHBA-së është të detyrojë kompanitë energjetike ruse të largohen nga tregjet ndërkombëtare, “me qëllimin të arrijë vetë një dominim të plotë mbi flukset energjetike globale”. Ai shtoi se në këtë pikë, as Moska e as Kievi nuk i besojnë më Trumpit për ndërmjetësimin e konfliktit.
Top Channel
