Ora 19:00 është njoftuar për nisjen e protestës së radhës kombëtare të thirrur nga Partia Demokratike.
Policia ka marrë masat për mbarëvajtjen e protestës dhe garantimin e rendit dhe sigurisë.
Sali Berisha ka mbërritur pak para orën 19:00 në selinë blu, ku është pritur nga mbështetësit demokratë.
Në këtë protestë, është parashikuar që të mos ketë fjalime, por vetëm marshime.
21:30 Pas marshimit në Ministrinë e Brendshme, protestuesit drejtohen për te selia e PD-së
Pas marshimit në Ministrinë e Brendshme, protestuesit i drejtohen për te selia e PD-së.
Pas tubimit para Kryeministrisë dhe Ministrisë së Brendshme ka reaguar edhe kreu i PD-së Sali Berisha.
Me tensione është shoqëruar protesta e sotme e PD, edhe pse u tha dhe njoftua se do të ishte paqësore.
Deputeti i PD Bledion Nallbati është përplasur fizikisht me efektivët e policisë, të cilët kanë krijuar kordon për të bllokuar marshimin drejt Ministrisë së Brendshme.
21:07 Pas molotovëve, protestuesit e PD-së hedhin fishekzjarrë, reagon policia
Pas hedhjes së molotovëve, protestuesit e PD-së kanë përdorur edhe fishkezjarrë.
Policia i është kundërpërgjigjur molotovëve me ujë, duke prekur edhe kreun e PD-së Sali Berisha.
Protestuesit e PD kanë nisur përplasjet fizike me efektivët e policisë.
Deputeti Gazment Bardhi është përplasur gjatë protestës me efektivët e policisë. Bardhi u shpreh se ata po provokojnë një protestë që sipas tij është paqësore.
Protestuesit e PD kanë hedhur molotovë gjatë marshimit të tyre drejt Ministrinë e Brendshme.
20:27 Pas thirrjeve para Kryeministrisë, protestuesit e PD nisen drejt Ministrisë së Brendshme
Pas mbylljes së fjalimit, protestuesit të drejtuar nga Sali Berisha dhe deputetët e PD janë nisur drejt ministrisë së Brendshme.
Policia e Tiranës ka marrë disa masa për protestën e opozitës ditën e sotme para Kryeministrisë.
Kreu i Partisë Demokratike, Sali Berisha, mbajti një konferencë me gazetarët, pak orë përpara protestës së radhës të opozitës.
Ambasada e Shteteve të Bashkuara në Shqipëri ka bërë publik një njoftim drejtuar shtetasve amerikanë, ku u këshillon që të tregohen të kujdesshëm gjatë protestës së sotme të opozitës.
Ka ndryshuar sërish skenari i protestës që do të mbahet nga Partia Demokratike mbrëmjen e sotme.
Top Channel
