Festivali i Filmit Kanë 2026, zbulohet juria me emra të mëdhenj të kinemasë botërore 05/05 09:19
Këngëtarja me famë botërore Shakira ka dhënë një koncert falas spektakolar në plazhin Copacabana në Rio de Janeiro, në një ngjarje masive që sipas kryetarit të bashkisë së qytetit ka mbledhur rreth 2 milionë njerëz.
Performanca u zhvillua të shtunën në mbrëmje, më 2 maj dhe u pasua nga koncerte të ngjashme falas të organizuara më herët në Rio, si ai i Madonna-s në vitin 2024 dhe i Lady Gaga-s vitin e kaluar, të cilat gjithashtu tërhoqën turma të jashtëzakonshme.
Koncerti i Shakirës nisi rreth orës 23:00, me më shumë se një orë vonesë, ndërsa publiku e priti me entuziazëm dhe duartrokitje të forta. Në një moment të veçantë të shfaqjes, dronët në qiell formuan mesazhin “E dua Brazilin” në portugalisht, duke shtuar spektaklin vizual të mbrëmjes.
"Whenever, Wherever" Shakira 👌🫶
📍"Todo Mundo no Rio" concert on Copacabana Beach in Rio de Janeiro on 2 May 2026. pic.twitter.com/5kLGD6j5dv
— Jms (@idmryjms3) May 3, 2026
Gjatë koncertit, artistja kujtoi vizitën e saj të parë në Brazil rreth tre dekada më parë, duke u shprehur nga skena: “Erdha këtu kur isha 18 vjeç, duke ëndërruar të këndoja për ju. Dhe tani shikojeni këtë. Jeta është magjike.”
#Shakira drives the huge crowd wild on Copacabana beach as she performs her mega hit "Girl Like Me" rocking the cutest lime & pink mini sequinned dress! 💪💃🗣️👥👤🏟️💥🌊🇧🇷 🏖️🌴🔥👑🩷pic.twitter.com/E54RNvETPH
— World Music Awards (@WORLDMUSICAWARD) May 3, 2026
Shakira performoi disa nga hitet e saj më të njohura si “Hips Don’t Lie”, “La Tortura” dhe “La Bicicleta”, ndërsa e mbylli koncertin me “BZRP Music Sessions #53/66”, këngë e lidhur me ndarjen e saj me futbollistin Gerard Piqué. Ajo gjithashtu përcolli mesazhe për fuqinë dhe qëndrueshmërinë e grave, duke thënë: “Ne gratë, sa herë që rrëzohemi, ngrihemi pak më të mençura.”
Kryetari i bashkisë së Rio de Janeiros, Eduardo Cavalieri, konfirmoi pjesëmarrjen e rreth 2 milionë personave, duke e cilësuar eventin si historik dhe duke theksuar ndikimin e tij në promovimin e qytetit. Ai u shpreh se koncerti ka sjellë përfitime të rëndësishme ekonomike përmes turizmit dhe konsumit lokal.
Eventi është pjesë e strategjisë së bashkisë së Rios për të nxitur ekonominë pas sezonit të Karnavalit dhe para festimeve të qershorit, me autoritetet që presin rritje të ndjeshme të aktivitetit turistik në qytet.
Top Channel
