Paolo Zampolli konfirmon qëndrimin e tij në lidhje me propozimin për zëvendësimin e Iranit me Italinë në Botërorin e kësaj vere.
Në një intervistë për të përditshem ‘Corriere Della Sera’, i dërguari i presidentit amerikan Donald Trump theksoi se nuk e ekzagjeroi aspak me atë propozim të tij.
‘Absolutisht jo. U mjaftova me sugjerimin e kësaj zgjedhjeje te presidenti Trump që e do shumë Italine dhe King Gianni(për Gianni Infantino). Do të jenë ata që do të vendosin-tha Zampolli
Por a ka ndonjë mundësi që një gjë e tillë të ketë sukses?
‘Kryqëzoj gishtat si të gjithë-vijoi Zampolli- e kam zemrën e kaltër dhe Të Kaltrit e meritojnë. Shkova në SHBA me ëndrrën amerikane dhe jam i bindur se mund të ëndërrohet që Italia të marrë pjesë në kampionatin botëror që do të zhvillohet në tokën amerikane’
Por në Itali, të gjithë i kanë thënë jo një opsioni të tillë dhe ministri i Sporteve, Andrea Abodi u shpreh se nuk është e mundur një gjë e tillë dhe nuk është rasti sepse kualifikimi fitohet në fushë.
‘E kuptoj dhe jam dakord 100% me pozicionin e ministrit, por ia lejoj vetes të mendoj se ndoshta kemi të njëjtën ëndërr kur shkojmë të flejmë-shtoi Zampolli-në vizionin tim personal të diplomacisë së sportit, do të ishte një fitore për tifozët italianë dhe për ata në të gjithë botën sepse Botërori nuk mund të zhvillohet pa Italinë’.
Top Channel
