Goditje e rëndë për kombëtaren e Gjermanisë dhe sulmuesin e Bayern Munich Serge Gnabry i cili zyrtarisht nuk do të jetë pjesë e kampionatit botëror 2026.
Lajmi është konfirmuar nga stafi mjekësor i klubit bavarez pas ekzaminimeve të fundit që treguan një dëmtim serioz në kofshën e majtë që kërkon një kohë të gjatë rikuperimi. Ky lëndim vjen në momentin më të keq për sulmuesin gjerman i cili ishte projektuar si një nga shtyllat kryesore të repartit ofensiv të trajnerit Julian Nagelsmann.
Gnabry do të qëndrojë jashtë fushave për të paktën dy muaj duke humbur mundësinë për të përfaqësuar vendin e tij në aktivitetin më të rëndësishëm të futbollit botëror. Vetë lojtari ka shprehur zhgënjimin e tij të madh për këtë mungesë të detyruar ndërsa stafi teknik i pancerave tashmë duhet të gjejë sa më parë zgjidhje alternative për të mbushur boshllëkun e lënë në krahun e sulmit pak javë para nisjes së turneut.
Top Channel
