Ish-punonjësja e Kylie Jenner ngre padi për diskriminim, pretendon ngacmime dhe trajtim racist në vendin e punës

Sipas dokumenteve ligjore të paraqitura në Los Angeles dhe të raportuara nga TMZ, Angelica Vasquez thotë se filloi punë më 10 shtator 2024 në shtëpinë e Jenner në Beverly Hills dhe më pas u transferua në rezidencën në Hidden Hills, ku punonte nën drejtimin e stafit mbikëqyrës.

Ajo pretendon se që në fillim është përballur me “trajtim armiqësor dhe përjashtues”, si dhe me ngacmime të vazhdueshme nga disa anëtarë të stafit, përfshirë fyerje dhe poshtërime para kolegëve. Sipas saj, diskriminimi lidhej me origjinën e saj nga El Salvadori, si dhe me besimin e saj katolik.

😳 EXCLUSIVE: Kylie Jenner is sued for national origin & religious discrimination by a former housekeeper.

Details: https://t.co/tn5Phby7KR pic.twitter.com/s7IhN49ymg

— TMZ (@TMZ) April 21, 2026

Në padinë e saj, Vasquez thotë se ka dëgjuar komente fyese për katolikët dhe se është përqeshur për statusin e saj si emigrante, përfshirë edhe referenca për deportim. Ajo gjithashtu pretendon se i janë caktuar detyra më të rënda se kolegëve të tjerë dhe se është përjashtuar qëllimisht nga ekipi i punës.

Sipas saj, situata u përkeqësua deri në atë pikë sa një mbikëqyrës i ka hedhur varëse rrobash gjatë një incidenti pune, pas një ankese që ajo kishte bërë për trajtimin e saj.

Ish-punonjësja deklaron se si pasojë e këtyre kushteve ka zhvilluar ankth dhe simptoma të ngjashme me çrregullimin e stresit post-traumatik, duke u detyruar të japë dorëheqjen në gusht 2025. Ajo kërkon kompensim për pagat e papaguara dhe dëmshpërblim moral.

Sipas burimeve të cituara, paditësja kishte pasur edhe probleme me pjesëmarrjen në punë dhe përshtatjen në vendin e punës. Asnjë nga pretendimet nuk i drejtohet drejtpërdrejt vetë Jenner-it në mënyrë personale, por përfshin stafin e saj dhe menaxhimin e kushteve të punës, megjithëse ajo është përfshirë në padi si e paditur.

Top Channel