Ishte planifikuar në qershor, anulohet koncerti i Kanye West në Poloni 17/04 18:32
Paramount ka konfirmuar se një vazhdim i filmit “ Top Gun ” është në proces, me Tom Cruise që rikthehet në rolin e Maverick.
Vazhdimi i filmit të suksesshëm tani është zyrtarisht në prodhim, siç u konfirmua në CinemaCon në Las Vegas. Gjatë prezantimit të Paramount, bashkëdrejtuesi i divizionit të filmit të kompanisë, Josh Greenstein, konfirmoi se skenari për filmin e ri është në proces të shkrimit.
Cruise pritet të rikthehet në rolin e Pete “Maverick” Mitchell, ndërsa producenti Jerry Bruckheimer po rikthehet gjithashtu në projekt.
'Top Gun 3' Officially in the Works With Tom Cruise Returning https://t.co/0sTeLBQMZ3
— Variety (@Variety) April 16, 2026
Sipas informacionit që ishte i njohur që nga viti 2024, franchising po zhvillon një film të tretë, me Eren Kruger që do të marrë përsipër skenarin.
“Top Gun: Maverick” është filmi me fitimet më të larta të karrierës së Tom Cruise, duke fituar 1.49 miliardë dollarë. Filmi, i drejtuar nga Joseph Kosinski, mori gjashtë nominime për Oscar dhe fitoi për Zërin më të Mirë.
Drejtori ekzekutiv i Paramount, David Ellison, tha se vazhdimi i ri është një përparësi kryesore për planet e tij të ardhshme.
Top Channel
