Kim Kardashian shkëlqen në Met Gala me veshje të frymëzuar nga vitet ’60, bashkëpunim me artistë të njohur 06/05 09:30
Britney Spears ka thyer heshtjen tre javë pas arrestimit për drejtim nën ndikimin e alkoolit, duke ndarë një mesazh pozitiv me fansat dhe duke treguar se po përpiqet të rikthejë balancën në jetën e saj.
Këngëtarja falënderoi ndjekësit për mbështetjen përmes një postimi në rrjetet sociale, ku theksoi rëndësinë e kohës së kaluar me familjen dhe miqtë.
Ajo u shfaq gjithashtu në një video në shtëpi së bashku me djalin e saj Jayden Federline, ku dukej në formë të mirë dhe plot energji, madje duke kërcyer dhe ndarë momente spontane.
Sipas raportimeve, artistja 44-vjeçare ka qëndruar larg alkoolit që nga arrestimi i 3 marsit në Kaliforni dhe po ndjek rregullisht takimet e Alcoholics Anonymous në zonën e Los Angeles.
Burime pranë saj tregojnë se ajo po tregohet e hapur gjatë këtyre seancave dhe e vendosur për të bërë ndryshime pozitive.
Përveç kësaj, Spears po kalon më shumë kohë me dy djemtë e saj, përfshirë edhe Sean Preston Federline, me të cilët ka riforcuar marrëdhënien pas një periudhe distance.
Arrestimi për DUI ndodhi në Westlake Village dhe këngëtarja pritet të dalë para gjykatës më 4 maj.
Megjithatë, duket se kjo situatë ka shërbyer si një pikë kthese për të, duke e shtyrë drejt një stili jetese më të kujdesshëm dhe të fokusuar tek familja./TAR
Top Channel
