Franko Burraj vazhdon të lërë gjurmë në atletikën shqiptare.
Në Torun të Polonisë, ku po mbahet Kampionati Botëror i Atletikës për Sallat e Mbyllura, atleti shkodran garoi sot në baterinë e pestë të garës 400 metra. Burraj u rendit i treti në baterinë e tij me kohën 46.57 sekonda rekord i ri kombëtar në këtë disiplinë. Në përfundim të gjashtë baterive eliminatore, atleti shkodran arriti të kualifikohet në gjysmëfinale, duke qenë ndër katër kohët më të shpejta, pasi vetëm dy vendet e para të secilës bateri shkonin direkt.
Bëhet fjalë për një arritje me peshë të dyfishtë historike. Burraj ishte tashmë i pari atlet shqiptar mashkull që kishte arritur gjysmëfinalen e një Kampionati Botëror, kur në Glasgow 2024 kishte shënuar kohën 46.86 sekonda. Sot, jo vetëm e konfirmoi atë arritje, por e tejkaloi atë kohë me 29 të qindta duke vendosur kufirin edhe më lart. Gjysmëfinalja e tretë e 400 metrave ka Franko Burrajen si një prej favoritëve, por nuk ja doli të arrijë finalen duke e mbyllur këtë praqitje me një rekord kombëtarë.
Top Channel
