Barcelona e sheh Kane si pasardhësin e Lewandowskit, përgjigjet anglezi…
22/02/2026 23:53
Bundesliga/ Werder Bremen anulon turin në Minnesota: Atje vrasin njerëz… 22/02 13:19
Harry Kane nuk ndalet kurrë së shënuari gola për Bayern Munich, gjë që e bën atë gjithmonë një lojtarë tërheqës për çdo ekip.
Sipas zërave të fundit të merkatos, Barcelona po e shqyrton seriozisht mundësinë e transferimit të anglezit nga Bayern Munich, nëse Villajoana fiton në zgjedhjet e ardhshme presidenciale të klubit. Sulmuesi anglez po shijon një sezon mbresëlënës në Bundesligë, duke shënuar tashmë 28 gola dhe duke dhënë 5 asiste. Raportet sugjerojnë se ka pasur kontakte me ekipin menaxherial të sulmuesit 32-vjeçar, nga katalanasit që kërkojnë t’i shtojnë edhe më shumë cilësi linjës së tyre sulmuese.
Rasti i Kane nuk është i thjeshtë, as nga ana konkurruese dhe as nga ana financiare, me Barcelonën që detyrohet të paguajë një shumë të madhe, pasi vlera e anglezit është rreth 65 milionë euro.
Përgjigja e anglezit ndaj thashethemeve:
“Nuk kam dëgjuar asgjë për interesin e Barcelonës për mua. Vëllai dhe babai im po merren me këto çështje dhe nuk më kanë thënë asgjë. Jam shumë i lumtur këtu te Bayern, i përqendruar te ky sezon dhe karriera ime këtu.”
Top Channel
