Milani ngec me Como-n, nuk merr më tepër se një pikë pas golit që i dhuroi Maignan miqve 18/02 22:49
Pas një gjysmë dite në ankth, Juventus dhe Luciano Spalletti mund të marrin frymë lirisht; ekzaminimet mjekësore të cilave iu nënshtrua Gleison Bremer në JMedical nuk kanë evidentuar asnjë dëmtim.
Stafi mjekësor i Zonjës së Vjetër do të vlerësojë në mënyrë të përditshme mbrojtësin brazilian.
Gleison Bremer, në minutën e 30 të ndeshjes me Galatasaray, la fushën e lojës për shkak të një problemi në kofshën e djathtë. Mbrojtësi bardhezi tentoi të rikthehej në fushën e lojës pas një masazhi që kreu në anë të fushës, por më pas u detyrua t’ia lërë vendin Gattit.
Juventus mori lajme të mira edhe nga Jonathan David që nuk u aktivizua ndaj Galatasaray për një problem fizik; as për kanadezin nuk bëhet fjalë për diçka serioze dhe gjendja e tij do të monitorohet ditë pas dite në Continassa. Sfida e radhës e Juventusit është ajo e së shtunës në Allianz Stadium ndaj Comos së Cesc Fabregas, një ndeshje shumë e rëndësishme kjo për bardhezinjtë për garën e tyre për një vend në zonën Champions.
Top Channel
Milani ngec me Como-n, nuk merr më tepër se një pikë pas golit që i dhuroi Maignan miqve 
