Gianluigi Donnarumma thotë se po e shijon punën nën drejtimin e Pep Guardiolës te City.
Lojtari i kombëtares italiane ka shpjeguar se si katalanasi e ka ndihmuar shumë gjatë kohës së tij në Klub deri më tani. Portieri mbërriti në sklubin anglez në verën e vitit 2025, në hapin e fundit të një karriere të shkëlqyer që e ka parë të shijojë periudha të mbushura me trofe në Itali me AC Milan, Francë me PSG dhe në skenën ndërkombëtare.
Që atëherë, ai ka bërë 12 paraqitje për Cityn në të gjitha garat dhe ka regjistruar një numër mbresëlënës prej shtatë ndeshjesh pa pësuar gol. 26-vjeçari i bëri homazh drejtimit të Guardiolës gjatë kohës së tij që kur ka shkuar tek ky klub deri tani. “Ai më ka dhënë shumë këshilla dhe flet shumë me mua. Më ka ndihmuar shumë”, shpjegoi Donnarumma.
“Ai është një trajner shumë i veçantë dhe është fantastike që kam Pep Guardiolën si trajnerin tim. Është ëndrra e çdo lojtari dhe jam shumë i lumtur.” Pasi përfundoi transferimin e tij te City, Donnarumma arriti të përjetojë një ndeshje derbi të Manchesterit, dhe ishte detyra e tij e parë në klub. “Kjo ka qenë shumë e rëndësishme. Të gjithë flasin me mua. Më thonë shumë gjëra për të përmirësuar dhe kjo është shumë e rëndësishme.” Detyra e radhës e Cityt është një udhëtim në Premier League kundër Newcastle, ndërsa kanë arritur pesë fitore radhazi në të gjitha garat.
Duke u nisur drejt ndeshjes në St James’ Park, skuadra e Guardiolës ka në përbërjen e saj gjithashtu Erling Haaland, një lojtar jashtëzakonisht në formë, i cili ka shënuar 32 gola për klubin dhe kombëtaren në vetëm 20 ndeshje në sezonin 2025/26 deri më tani. Gjithsej 19 prej tyre kanë ardhur për “Qytetarët” dhe norvegjezi është një gol larg shënimit të 100 golave në Premier League.
Donnarumma beson se Haaland është padyshim ndër më të mirët në botë. “Ai është një lojtar i jashtëzakonshëm”, deklaroi ai. “Është e rëndësishme të kemi një lojtar të tillë në ekipin tonë. Ai është një lojtar i shkëlqyer; është një nga më të mirët në botë dhe kjo është fantastike. Është kënaqësi ta luash me të. Ai është shumë i qetë dhe punon shumë për ekipin. Dhe është edhe një mik i shkëlqyer.”
Top Channel
