Aksident në Lezhë/ Makina i preu rrugën, automjeti tjetër përfundon në parcelën anës rrugës, tre të plagosur

31/08/2025 20:39

Një aksident me pasojë tre të plagosur ndodhi këtë mbrëmje në dalje të Lezhës, te kryqëzimi i Ishull Shëngjinit.

Gazetarja e Top Channel, Brixhilda Deda raporton se se dy makina janë përplasur me njëra-tjetrën, ku si pasojë e përplasjes së fortë, njëra nga makinat ka përfunduar në një parcelë në anë të rrugës.

Nga aksidenti janë lënduar tre persona, që janë transportuar për Tiranë për ndihmë më të specializuar mjekësore.

Shkak për aksidentin dyshohet të jetë bërë një mjet, i cili i ka prerë rrugën makinës që lëvizte në drejtim të Tiranës.

Top Channel