“Duhet të jemi të përgatitur ta mbështesin Ukrainën më gjatë”/ Merz, mesazhe të qarta gjatë vizitës në Finlandë 28/05 08:24
Igli Tare u bë dje zyrtarisht drejtor sportiv i AC Milan, dhe pas ditës së tij të parë të punës, ai shkoi për darkë me grupin e drejtuesve të kuqezinjve.
Sipas mediave italiane, darka që u zhvillua mbrëmë në një hotel të njohur në Milano ka gjithashtu një vlerë të fortë simbolike. Tare ishte i shoqëruar nga Giorgio Furlani, Geoffrey Moncada dhe Zlatan Ibrahimovic.
Ky i fundit vërehej duke buzëqeshur dhe duke përqafuar Taren, që ishte zgjedhja e tij që nga dita e parë e procesit të gjatë të gjetjes së drejtorit sportiv të ardhshëm. Ishte një darkë që zgjati më shumë se katër orë ku u trajtuan të gjitha çështjet prioritare, duke filluar me rinovimet.
Për Theo Hernandez, klubi nuk duket i prirur të bëjë përpjekje të konsiderueshme, ndërsa diskutimi është krejtësisht i ndryshëm në lidhje me Mike Maignan dhe Christian Pulisic. Si portieri francez ashtu edhe anësori amerikan konsiderohen themelorë për projektin, kështu që rinovimet do fillojnë të formulohen.
Lidhur me çështjen e trajnerit, dilema më e madhe e tanishme për Milanin, duket se kuqezinjtë nuk e kanë më nxitim. Ideja është të presim Vincenzo Italianon, ndërsa rruga që të çon te Massimiliano Allegri po venitet pasi ai po shkon drejt Napolit.
Alternativat nuk janë kontaktuar ende, por mbeten në listë. Thiago Motta është sigurisht një tjetër opsion i besueshëm sepse Tare e ka studiuar atë për vite me radhë dhe e ka dashur te Lazio.
Top Channel
