Kryeministri francez në telashe, e bija boton librin ku rrëfen dhunën që pësoi në shkollë kur babai ishte ministër i Arsimit 23/04 21:24
Klubi argjentinas San Lorenzo e gjen veten në ujëra të trazuar pas publikimit të një videoje të fshehtë ku shfaqet presidenti i tij, Marcelo Moretti, i cili dyshohet se është përfshirë në një skemë ryshfeti në lidhje me nënshkrimin e një lojtari për divizionet e të rinjve.
“Dua 25,000 ose 30,000 dollarë”, dëgjohet duke thënë presidenti i klubit nënës së një futbollisti të ri.
Ajo i lutet që pagesën ta bëjë me dy këste, por ai ia kthen: “Sa më shpejt, aq më mirë”.
Në dritën e këtyre zhvillimeve, Federata Argjentinase e Futbollit (AFA) ka ndërhyrë, duke bërë thirrje për një seancë urgjente të Komitetit të saj të Etikës për të shqyrtuar situatën. Organi qeverisës mund të vendosë sanksione ndaj zyrtarit të implikuar.
Nëse pretendimet në video vërtetohen, veprimet e Morettit mund të bien ndesh me nenet 22 dhe 23 të Kodit të Etikës, të cilat trajtojnë korrupsionin dhe pagesat e paligjshme të komisioneve midis zyrtarëve të futbollit dhe ai rrezikon përjashtim përjetë nga futbolli, por edhe dënim me burg.
San Lorenzo militon në Ligën e parë argjentinase dhe është skuadra për të cilën bënte tifo Papa Françesku, i cili u nda nga jeta pak ditë më parë.
Top Channel
