Uashingtoni përgatitet për trazira, ngrihen gardhe rreth Shtëpisë së Bardhë dhe banesës së Harris 04/11 20:17
Thashethemet, pretendimet mashtruese dhe gënjeshtrat e hapura për votimin dhe mashtrimet po përhapen në hapësirat online në numra të paparë më parë, përpara zgjedhjeve në SHBA.
Qindra incidente që përfshijnë parregullsi të pretenduara në votim po mblidhen dhe shpërndahen nga individë, si dhe grupe të pavarura dhe ato të lidhura me Partinë Republikane. Një numër i vogël postimesh po vijnë edhe nga Demokratët.
Në pothuajse çdo rast, postimet mbështesin pretendimin e rremë të fushatës së Trump se ish-presidenti fitoi zgjedhjet e vitit 2020 dhe sugjerimet se ai mund të mashtrohet përsëri në 5 nëntor.
Këtë javë, vetë Trump pretendoi për një mashtrim të gjerë në një shtet kyç.
“Pensilvania po mashtron dhe po kapet, në nivele të mëdha që rrallëherë janë parë më parë,” shkroi Trump në rrjetin e tij Truth Social. “RAPORTONI MASHTRIMIN TEK AUTORITETET. Forcat e rendit duhet të veprojnë, TANI!”
Pretendimi erdhi pas deklaratave nga zyrtarët në tre qarqe të Pensilvanisë se ata po punonin me forcat lokale të rendit për të hetuar disa aplikime për regjistrim votues për mashtrim të mundshëm.
Top Channel
