Njësoj si të pish 50 cigare në ditë, qyteti më i ndotur në botë është… 21/11 23:01
60 milionë amerikanë kanë hedhur votën e tyre para zgjedhjeve të së martës
Kandidati republikan Donald Trump ka sulmuar mbrëmë ashpër kongresmenen Liz Cheney (republikane që ka mbështetur Harris) duke e quajtur “luftënxitëse” ashtu si dhe babai i saj, ish-zv. presidenti Dick Cheney, në një miting me mijëra pjesëmarrës në Phoenix, Arizona.
“Nuk i vë faj atij [Dick Cheney] që mbështet të bijën, por bija e tij është shumë budallaqe, është një individ i paditur. Ajo është vetëm një luftënxitëse radikale. Sikur ta vije këtu me një automatik të mbushur drejtuar në fytyrën e saj, vetëm atëherë do ta kuptonte’.
“Por këta luftënxitës rrinë ulur në zyrat e rehatshme në Uashington dhe thonë ‘Oh, le të dërgojmë 10,000 trupa direkt në gojën e armikut.’ Ajo është një person budalla. Unë jam takuar shpesh me njerëz si këta, dhe ajo donte gjithmonë të shkonte në luftë me dikë”, tha Trump.
Ndërkohë rreth 60 milionë amerikanë kanë hedhur votën e tyre para zgjedhjeve të së martës, teksa sondazhet e opinioneve i tregojnë dy kandidatët në pozita të barabarta, shkruan rrjeti AFP.
Trump mbante dje mitingun në sallën ku festoi dhe nominimin e partisë republikane më verë.
Ai pritej të takohej dhe me komunitetin arab-amerikan në Dearborn, Michigan, të cilët do të mundohet t’i bindë për votën prej zemërimit të tyre për mbështetjen e SHBA për luftën e Izraelit në Gaza.
Ndërsa Harris ishte në fushatë me muzikanten Cardi B në një seri mitingjesh me nota spektakli.
Trump në një intervistë të enjten me gazetarin e djathtë Tucker Carlson quante 60-vjeçaren Harris, “thes plehrash” ndërsa Biden “bastard budalla.”
Pa dhënë prova ai vijonte pretendimet se zgjedhjet po manipulohen në shtetin Pennsylvania – duke sugjeruar se ashtu si dhe në 2020, mund të mos pranojë rezultatin nëse nuk fiton, shkruan rrjeti AFP.
Top Channel
