Donald Trump zgjedh financierin Scott Bessent për Sekretar të Thesarit, homoseksuali i parë që do të mbajë këtë post 23/11 07:47
Një avion ushtarak transporti i Rusisë është rrëzuar mbrëmë me raketë dhe ka shpërthyer më pas në një zjarr gjigant, njoftonin raportimet nga Sudani, vend i përfshirë në një konflikt të rëndë mes dy fraksioneve ushtarake.
Raportimet nga vendi ishin kontradiktore por avioni i transportit ushtarak ishte i tipi Ilyushin Il-76T dhe u rrëzua me shpërthim në perëndim të vendit.
Mediat vendase thonin se raketa që e goditi u lëshua nga forcat rebele RSF, ndërsa burime të tjera thonin se goditja kishte ardhur “gabimisht” nga pala mike, pa lejuar të bëhet e qartë se cilën palë ‘po ndihmonte’ avioni me furnizime.
Të tjera burime thonin se avioni prodhimit rus operohej nga Emiratet e Bashkuara Arabe, shkruan rrejti The Sun.
Pas shpërthimit mbetjet avionit u përhapën në një zonë të gjerë, ndërsa në pamje të postuara shiheshin ushtarë që celebronin rrëzimin e avionit.
Emiratet e Bashkuara Arabe janë raportuar më herët se mbështesin me armatime e pajisje forcat rebele të konfliktit, ku deri tani janë vrarë dhjetra mijëra njerëz.
Dokumente identifikimi të anëtarëve ruse të ekuipazhit tregoheshin në rrjetet sociale, për individë të cilët mediat i lidhnin me kompani ushtarake të Emirateve të Bashkuara.
Rrjeti rus i aviacionit ‘Aviatorshchina’ kishte komentuar në rrjetet sociale: “Avioni i transportit është rrëzuar gabimisht nga forcat rebele me raketa lazeri”.
Furnizimet ushtarake për rebelët në konfliktin në Sudan vijnë nga Çadi fqinjë, sipas ekspertëve.
Dokumentet e gjetura në vendngjarje tregonin se mes viktimave ishin dy qytetarë rusë Viktor Granov e Anton Selivanets, të dy inxhinierë aviacioni.
Ambasada ruse në Sudan tha se po kontaktonte me autoritetet lokale për të hetuar mbi rrethanat. Konflikti në vend i financuar dhe furnizuar nga palë të ndryshme, vijon prej vitit të shkuar.
Rrjeti The Sun tha se ka kërkuar shpjegime nga qeveria e Emirateve të Bashkuara.
Top Channel
