“Jam në dispozicion kurdo që SPAK të më kërkojë”, ish-presidenti Topi: Themelet e demokracisë janë shkatërruar, Berisha kërkon të çimentojë pozicionin si opozitë 11/10 22:16
Shqipëria luan ndeshjen e tretë të Ligës së Kombeve në Pragë, aty ku do të përballet me Republikën Çeke, e vlefshme për Grupin B1, në “Epet Arena”.
Kuqezinjtë vijnë në këtë sfidë me tre pikë, pas një fitoreje 1-2 me Ukrainën pikërisht në këtë stadium dhe një disfate me Gjeorgjinë në Tiranë me rezultatin 0-1.
Nga ana tjetër, çekët gjithashtu kanë tre pikë, pas një humbje me Gjeorgjinë dhe një fitore me Ukrainën.
Sylvinho ka zgjedhur që t’i besojë skemës së tij të përhershme 4-3-3, me Strakoshën në portë, ndërsa para tij do të rreshtohen Mitaj, Kumbulla, Ismajli dhe Hysaj. Mesfusha do të përbëhet nga Asllani, Ramadani dhe Laçi, ndërsa Asani dhe Bajrami do të mbështesin Dakun në krye të sulmit, i cili është rikthyer me Kombëtaren pas dënimit që mori nga UEFA.
Drejtësi në këtë takim do të vendosë francezi Benoit Bastien, i ndihmuar nga pesë bashkëkombës të tjerë, 3 në fushë dhe 2 në dhomën e sistemit VAR.
Shqipëria përballë Çekisë njeh 1 humbje, 1 barazim dhe 1 fitore, kjo e fundit e ardhur pikërisht një vit më parë në “Arenën Kombëtare” me rezultatin 3-0, me futbollistët kuqezinj që do të përpiqen të përsërisin historinë.
Ndeshjen mund ta ndiqni live në DigitAlb.
REZULTATI LIVE:
REP. ÇEKE 2-0 SHQIPËRI
Chory 3′, 63′
KOMENTI LIVE:
83′ Hlozek ndalon në mënyrë të parregullt Mitajn dhe ndëshkohet me karton të verdhë.
80′ Tuci provon nga distanca, me Kovar që e ndal me duar topin.
79′ Zëvendësim te Shqipëria. Largohet Laçi dhe në vendin e tij futet Seferi.
76′ Asllani provon me një gjuajtje nga distanca, por Kovar arrin ta devijojë dhe e çon në këndore.
69′ Zëvendësim te Çekia. Largohet Cerny dhe në vendin e tij futet Hlozek.
65′ Dy zëvendësime te Shqipëria. Largohen Daku dhe Asani, në vendet e tyre futen Tuci dhe Hoxha.
63′ GOL REP. ÇEKE 2-0/ Pas një krosimi në zonë, Chory godet me kokë dhe shënon sërish. (VIDEO)
52′ Jasirt Asani merr një top në mesfushë dhe avancon drejt zonës, duke goditur me të majtën, por topi shkon mbi kuadrat.
46′ Nis pjesa e dytë!
45+1′ Mbyllet pjesa e parë!
45′ Akordohet 1 minutë shtesë.
45′ Sylvinho ndëshkohet me karton të verdhë për protesta.
44′ Daku shkakton një ndërhyrje të gabuar dhe ndëshkohet me karton të verdhë.
43′ Chory godet nga shumë afër portës, por topi shkon mbi kuadrat.
38′ Cerny provon me një gjuajtje nga distanca, me topin që shkon mbi kuadrat.
36′ Laçi provon të pasojë për Asllanin, por topi shkon në duart e Kovar.
24′ Bajrami provon me një gjuajtje mjaft të bukur nga distanca, por topi shkon jashtë kuadratit.
22′ Asani hedh një krosim në zonë drejt Asllanit, por topi shkon në duart e Kovar.
18′ Provod tenton me një gjuajtje nga distanca, por Strakosha arrin të shpëtojë portën.
3′ GOL REP. ÇEKE 1-0/ Chory merr një top në zonë dhe me të djathtën godet për ta çuar në rrjetë. (VIDEO)
1′ Starton sfida në “EPET Arena”!
FORMACIONET ZYRTARE:
Top Channel
