Lideri çeçen Kadyrov i shpall ‘konflikt gjaku’ deputetëve rusë pas ngjarjes në Moskë (fotot)
10/10 19:20
Marshimi i grave në kuadër të luftës kundër kancerit të gjirit që organizohet çdo vit nga Shoqata Kristiane e Grave është zhvendosur në Shkodër.
Jo më kot pasi Shkodra ka hyrë në hartën e qyteteve me numrin e më të lartë të grave të prekur me kancerin e gjirit.
Gjatë vitit 2023 është ka mbërritur në 774 numri i rasteve të reja të grave të prekura nga kjo sëmundje.
Por janë konstatuar edhe 15 meshkuj të prekur nga kanceri i gjirit. Kjo sëmundje prek edhe meshkujt, ndonëse më rrallë.
E ngarkuara me punë në Amabasadën Amerikane në Tiranë u kërkoi vajzave dhe grave të bëjnë kontrollin e gjirit.
Nancy Vanhorn, e ngarkuara me punë në ambasadën Amerikane: Ia vlen të jetosh. Gratë për shkak të angazhimit të tyre gjatë gjithë ditës, prindërimit, kujdesit që tregojnë për prindërit, nuk e kanë në qendër të vëmendjes shëndetin e tyre. Por një kontroll i gjirit ju parandalon sëmundjen.
Edina Kozma, ZV. përfaqësues e UNICEF në Shqipëri: Është e rëndësishme të bëhemi bashkë, të mbështesim njëra tjetrën për të luftuar sëmundjen. Këto gra e vajza kanë nevojë për mbështetje psikologjike. Është e rëndësishme të kujdesemi për shëndetin tonë por edhe për të gjithë ata që duam fort. Dua të theksoj se kontrolli, zbulimi i hershëm është parandalim.
Gratë në këtë kauzë të tyre kanë nevojë për mbështetjen e burrave.
Rezart Gurashi, drejtori kreativ i video grafikës në Top Channel ka dhuruar artin e tij për ndërgjegjësim e grave kundër kancerit, në ekspozitën me temë 1 ne 8, ai është vlerësuar me çmim simbolik nga YËCA.
Silvio Gonzato, kreu i delegacionit të BE në Tiranë: Ju me artin tuaj në ekspozitën 1 ne 8 pasi kaq gra preken, jo vetëm që keni rritur ndërgjegjësimin e grave me punën tuaj, por këtyre grave që janë prekur nga kanceri i gjirit i keni dhënë dinjitetin e duhur.
Ky aktivitet që rrit ndërgjegjësimin e grave çdo vit u mbështet nga Ministria e Shëndetësisë dhe Bashkia e Shkodrës.
Top Channel
