“Netanyahu nuk arrestohet”, Gjermania mbështet Gjykatën Ndërkombëtare Penale, por jo në këtë rast?
23/11 11:47
Një grua që shiti gjithçka për rreth 300 000 dollarë, që të bënte udhëtimin e ëndrrave rreth botës me kroçerë, është ndaluar të marrë anijen pas publikimit të ankesave në llogarinë private në WhatsApp.
68 vjeçarja Jenny Phenix, nënë e divorcuar e dy fëmijëve nga Florida, SHBA, shiti gjithçka zotëronte dhe priste vetëm me valixhen e saj për udhëtimin 3-vjeçar me kroçerën e re Villa Vie Odyssey.
Por pas disa shtyrjeve të datës së nisjes, zonja Phenix shpërndante zemërimin e saj me pasagjerët e tjerë në grupin e krijuar në WhatsApp ku tregonte se anija nuk do të ankorohej në Miami sipas planit.
Rrjedhimisht mesazhet e saj u shpërndanë dhe te stafi i kroçerës, të cilët vendosën se numri saj ishte bllokuar për udhëtimin prej sjelljes së sipas tyre “dëmtonte moralin e komunitetit të udhëtimit.”
“Kemi marrë shumë ankesa prej rezidentëve në lidhje me ankesat dhe negativitetin tuaj, prandaj duhet të anullojmë kontratën për të ruajtur moralin dhe mirëqenien e pasagjerëve”, i kishte shkruar shefja e stafit Kathy Villalba.
Phenix tha se ishte e shokuar nga mesazhi dhe mohonte se ishte përfshirë në ofendime personale, dhe as nuk kishte shpërndarë mesazhet në rrjetet sociale.
“Zhgënjimi i udhëtarëve rritej dita-ditës për vonesat dhe unë e di që flisja gjërat që duheshin thënë. Të tjerët më kanë falënderuar për këtë”, tha gruaja në përgjigjen e saj.
Ajo kishte bërë depozitimin fillestar për udhëtimin tre-vjeçar dhe më pas do të shpenzonte edhe $120,000.
Programi i Endless Horizon u lejon pasagjerëve të jetojnë në bord të anijes për gjithë jetën duke nisur nga $300,000.
Gruaja e divorcuar kishte shkuar në Southampton në jug të Anglisë për nisjen e udhëtimit.
Por linjat njoftuan se nisja do të bëhet nga Belfast në Irlandë më 30 maj, prej problemeve teknike të lundrimit.
Drejtori Mike Petterson tha se anija nuk kishte marrë certifikatat e kërkuara të dokumenteve dhe se autoritetet nuk lejonin nisjen e lundrimit të Villa Vie pa riparimet e ndryshimet e kërkuara.
Por Phenix tha se ishte dëmtuar emocionalisht nga kjo që ndodhi prandaj ndante shqetësimin me udhëtarët e tjerë.
Petterson tha se ajo kishte shkelur kushtet e kontratës për mospublikim të informacioneve dhe se do të rimbursohet për shpenzimet e kryera, shkruan rrjeti The Mirror.
Top Channel
