Izraeli sulmon qendrën e Bejrutit, godet një ndërtesë të banuar, 11 të vrarë dhe 60 të plagosur 23/11 13:52
Tym i trashë e i zymtë kishte mbuluar sot krahinën portugeze të Aveiro ku disa zjarre vijojnë të djegin zonat pyjore.
Zyrtarët e mbrojtjes civile thanë se disa zjarrfikës janë plagosur teksa përpiqen të kufizojnë zjarret deh rreth 70 banorë janë detyruar të largohen nga banesat.
Disa partnerë evropianë u zotuan sot për ndihmë në mjete zjarrfikëse për katastrofën në veri të Portugalisë.
Katër shtete iu përgjigjën kërkesës së vendit, i cili zotëron rreth 30 avionë dhe helikopterë që mund të përdoren kundër zjarreve.
“Po mobilizojmë tetë avionë zjarrfikës nga mekanizmi i mbrojtjes civile të bllokut, dhe falenderojnë Francën, Italisë, Greqinë e Spanjën për reagimin e tyre të shpejtë,” thuhej në deklaratën e BE.
Në vend raportohej sot se 2,300 njerëz po luftojnë kundër 26 zjarreve të nisura papritur të shtunën të nxitur nga era.
“Situata është e vështirë por do të jetë një luftë sot dhe nesër”, tha kreu i mbrojtjes civile kombëtare Andre Fernandes.
Të dielën një zjarrfikës tragjikisht vdiq nga ataku kardiak teksa bënte një pushim nga zjarret në jug të qytetit të Porto, njoftonte ministria e brendshme.
Rreth 10,300 toka e pyje janë dëmtuar deri tani nga zjarret, relativisht më pak se vitin që shkoi, shkruan rrjeti AFP.
Top Channel
