Dogjani i shkon në foltore, Rama: Po ça më rri aty, ulu! Ndërpritet seanca pas tensioneve në sallë 18/11 10:15
Kryeministri Edi Rama ka reaguar për fitoren që Shqipëria mori në Lojërat Olimpike të 2024.
“Faleminderit kampion”, shkruan ai, duke iu drejtuar Chermen Akhsarbekovich Valiev, i cili fitoi mendaljen e Bronztë.
“Medalja e Parë Olimpike në historinë tonë është një lajm që flet shumë për punën e Komitetit të Rilindur Olimpik Shqiptar nën drejtimin e Fidel Yllit; për të vërtetën që Shqipërisë jo nuk i ikin më talentet sportive të lindura këtu, po talente të lindura gjetkë e zgjedhin si atdheun e dytë për t’u stërvitur në kushte optimale e për t’u ngjitur në majat e botës me flamurin kuqezi; si edhe për fillimin e një historie të re, që në vite do të sjellë fryte të tjera të gëzueshme falë lëvizjes masive sportive për fëmijët dhe investimeve masive në palestra e në infrastrukturë sportive që do të vazhdojnë. Faleminderit kampion“, shkruan Rama.
Kryetarja e Kuvendit, Elisa Spiropali, po ashtu falenderoi përfaqësuesin e Shqipërisë, me anë të një reagimi.
“Një dhuratë e merituar për Shqipërinë nga kampioni ynë, mundësi Chermen Valiev! Medalja e parë olimpike në histori, fituar në Olimpiadën “Paris 2024”, një arritje madhore e sportit shqiptar! Një frymëzim e detyrim për të vazhduar e rritur investimet e kontributet për sportin në shkolla, palestra e infrastrukturë sportive. Përgëzime me zemër Komitetit Olimpik Shqiptar. Faleminderit, kampioni Valiev, që na bëre kaq krenar!”, reagoi Spiropali.
Top Channel
