Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Një person është i dyshuari kryesor në lidhje me vrasjen e gruas dhe dy vajzave të një gazetari të BBC-së, John Hunt.
Kyle Clifford, për të cilin policia paralajmëroi se mund të ishte i armatosur me një hark, u gjet në zonën Enfield të Londrës veriore të mërkurën pasdite dhe aktualisht po merr trajtim për lëndime, tha në një deklaratë Policia e Hertfordshire, sipas CNN.
“Një person i kërkuar në lidhje me një vrasje të trefishtë në Bushey është gjurmuar në një vend në Londrën Veriore. Pas një kërkimi të gjerë, Kyle Clifford, 26 vjeç, u gjet në zonën e Enfield nga oficerët këtë pasdite”, thuhet në deklaratë.
“Në këtë fazë, ne besojmë se i dyshuari ishte i njohur për viktimat”, shtoi ajo.
Policia kishte thënë më herët se ishte në kërkim të një 26-vjeçari, të quajtur Kyle Clifford, në lidhje me vdekjet, i cili mund të ishte në kryeqytetin britanik ose në qarkun fqinj të Hertfordshire.
Policia u thirr në një shtëpi në Bushey, Hertfordshire, të martën në mbrëmje, ku gjetën tri gra të plagosura rëndë, të cilat më vonë vdiqën prej plagëve.
Një hark besohet të jetë përdorur në vrasjen e trefishtë, megjithëse policia tha të mërkurën se mund të jenë përdorur edhe armë të tjera.
Clifford u largua nga ushtria britanike në vitin 2022 pas një periudhe të shkurtër shërbimi, tha një burim në ministrinë e mbrojtjes të Mbretërisë së Bashkuar për CNN.
Top Channel
