“Luajtja bixhoz me marrëdhëniet me aleatët nuk i bën nder Kosovës”, Presidentja Osmani ashpërson gjuhën ndaj Kurtit: Asnjëherë s’i kam kuptuar talljet ndaj partnerëve
21/11 12:00
Reshjet e shiut me intensitet të lartë, të dielën në Prishtinë shkaktuan vërshime.
Rrugët u bllokuan e uji depërtoi në ndërtesat e banuara dhe bizneset. Dëmi i shkaktuar nga uji që ka depërtuar në brendësi është i madh edhe në një laborator privat në kryeqytet.
Kjo është hera e dytë që reshjet e shiut që rrisin nivelin e ujit në rrugë, depërtojnë brenda këtij laboratori.
Kryetari i Prishtinës, Përparim Rama ka mbledhur të hënën institucionet e sigurisë, për të diskutuar rreth situatës.
Ai tha se sasia e reshjeve ishte tejet e lartë, megjithatë, problemi kryesor që çon deri te vërshimet, është rrjeti i kanalizimit.
Gjatë së dielës, ekipet emergjente kanë reaguar në mbi 100 raste.
Sipas Institutit Hidrometeorologjik, sasia e reshjeve atmosferike arriti në 65 milimetra, sasi kjo ekuivalente me reshjet e një muaji në Kosovë.
Reshje të intensitetit të tillë pritet të ketë përgjatë gjithë javës.
Top Channel
