Emisari i Bashkimit Evropian për Dialogun do të zhvillojë një vizitë sot në Kosovë në orën 18:00 dhe pritet të takohet me zëvendëskryeministrin Besnik Bislimin.
Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, pret në takim Përfaqësuesin Special të BE-së, Miroslav Lajçak.
Takimi, i cili do të mbahet në orën 18:00 në ndërtesën e Qeverisë, synon të diskutojë për zhvillimet aktuale në procesin e dialogut midis Kosovës dhe Serbisë, si dhe për perspektivat e integrimit evropian të Kosovës.
Kështu është bërë e ditur në një njoftim nga Qeveria e Kosovës.
“Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, pret në takim Përfaqësuesin Special të BE-së, Miroslav Lajçak”, thuhet në njoftim.
Vizita e Lajçakut në Kosovë, është vazhdimësi e përpjekjeve të tij për të ndihmuar në gjetjen e një zgjidhjeje të qëndrueshme për marrëdhëniet mes Kosovës dhe Serbisë, në përputhje me vlerat dhe standardet evropiane.
Top Channel
