“Azgannn! Zoti para! Hajt rruga e mbarë”, momenti kur familjarët dorëzojnë në polici vrasësin e efektivit, 23-vjeçari qesh dhe… (Video) 15/05 23:49
Ndihmës Sekretari i Shtetit për Byronë Ndërkombëtare të Narkotikëve dhe Çështjeve të Zbatimit të Ligjit, Todd D. Robinson zhvilloi një takim edhe me kryeministrin Edi Rama dhe ministren e Shtetit për Marrëdhëniet me Parlamentin, Elisa Spiropalin.
Ministrja zbardhi detaje nga takimi, ku thekson se thellimi i bashkëpunimit dhe partneritetit strategjik mes dy vendeve mbetet një nga prioritetet e qeverisë.
Spiropali shprehu mirënjohje për partneritetin, bashkëpunimin e ngushtë mes dy vendeve dhe angazhimin e përbashkët për forcimin e sundimit të ligjit dhe suksesin e reformës në drejtësi.
“Takim i shkëlqyer me Ndihmës Sekretarin e Shtetit për Byronë Ndërkombëtare të Narkotikëve dhe Çështjeve të Zbatimit të Ligjit (INL), Todd D. Robinson. Mirënjohje për partneritetin, bashkëpunimin e ngushtë dhe angazhimin e përbashkët për forcimin e sundimit të ligjit dhe suksesin e reformës në drejtësi. Rezultatet e institucioneve të reja të drejtësisë janë një inkurajim i madh për garantimin e pakthyeshmërisë së reformës drejt kontributit për një shoqëri më të drejtë dhe më të zhvilluar. Thellimi i bashkëpunimit dhe partneritetit strategjik mes dy vendeve mbetet një nga prioritetet tona”, shkruan Spiropali.
Ndihmës Sekretari i Shtetit për Çështjet Ndërkombëtare të Narkotikëve dhe të Zbatimit të Ligjit Todd Robinson serinë e takimeve e nisi në një takim në godinën e SPAK me kreun e Prokurorisë së Posaçme, Altin Dumani.
Ambasada amerikane tha se sekretari Todd Robinson mori pjesë në një pritje me gjyqtarë, prokurorë, hetues shqiptarë dhe drejtues të agjencive ligj-zbatuese në Shqipëri. Sekretari Robinson theksin e vendosi tek transparenca, si dhe dhënien fund pa-ndëshkueshmërisë.
Top Channel
