Presidentin e Real Madrid e lënë nervat, sulmon Shqipërinë për “Topin e Artë. Ja si e “përgënjeshtron” Besnik Dizdari 24/11 21:11
Federata e Futbollit të Kamerunit (president është Samuel Eto’o) ka bërë publike një listë me 62 lojtarë nga liga e vendit, të cilët janë shpallur të papërshtatshëm për play off-in e MTN Elite One, për shkak se kanë një identitet të dyfishtë, përveç se gënjejnë për identitetin e tyre.
Informacioni është publikuar nga disa media në vend dhe që mund të ketë pasoja sportive.
Kameruni pezullon 62 futbollistë
Nathan Douala, nga Victoria United, është një nga ata lojtarë që pretendonte se ishte 17 vjeç dhe që pak muaj më parë bëri bujë në rrjete kur u njoftua grumbullimi i tij në Kombëtaren e Kamerunit.
Një nga shembujt për të cilin tifozët tashmë kishin dyshime dhe nuk e besonin moshën e lojtarit.
Megjithatë, ai nuk ishte i vetmi futbollist që kishte ndryshuar moshën. Victoria United është një nga klubet më të prekura, ka shtatë lojtarë të shpallur të papërshtatshëm dhe është ai që mund të ketë pasojat më të mëdha. Një tjetër klub si Young Sport ishte ekipi me numrin më të madh të elementëve të papërshtatshëm nga Federata e Kamerunit me 13 lojtarë. Janë vetëm katër klube që shmangën sanksionet dhe mund ta mbajnë skuadrën e tyre të plotë: Coton Sport de Garoua, Canon de Yaoundé, Stade Renard de Melong dhe Aigle Royal de la Manoua.
Mashtrimi i moshës në Federatën e Futbollit të Kamerunit
Ka pasur shumë raste në vendet afrikane ku qytetarëve u mungon dokumentacioni, ndaj kur largohen shfaqin një identitet që mund të mos jetë real. Kështu ndodh një tjetër episod i falsifikimit të moshës, një praktikë shumë e zakonshme te futbollistët, për t’i bërë ata më të rritur apo më të rinj.
Një situatë të tillë, nuk dihet nëse FIFA do të ndërhyjë në ndonjë mënyrë, sepse organi më i lartë ruan kontroll të rreptë të moshës në vendet e kontinentit./ SuperSport
Top Channel
