“Vinicius duhet të fitonte Topin e Artë, ishte padrejtësi”/ Ronaldo: Nuk do jem kurrë trajner, por mund të bëhem një… 27/12 21:50
Pragndeshje “e tensionuar” në Barcelonë. Presidenti i Napolit, Aurelio De Laurentiis ishte protagonisti i një skene aspak të zakonshme të transmetuar drejtpërdrejt në “Sky Sport”.
Pikërisht gjatë intervistës rutinë një ditë para ndeshjes së Champions League, Matteo Politano është ndërprerë nga presidenti i të kaltërve.
Një ngjarje e paplanifikuar që ka habitur të gjithë, përfshirë edhe mikpritësit, në prag të një prej ndeshjeve më të rëndësishme të sezonit të Napolit.
Në mes të “Mondo Gol” u zhvilluan intervistat me trajnerin Francesco Calzona dhe Matteo Politanon.
Gjatë kësaj të fundit, De Laurentiis ndërpreu gjithçka dhe largoi lojtarin e tij.
“Politano! Politano! Ai nuk mund të flasë me ty!”
Nuk dihen ende shkaqet e veprimit të presidentit De Laurentiis, pasi ai është shfaqur i tërbuar pasi është filmuar nga kamerat e “Sky Sport”.
Bëhet e ditur se pronari i Napolit ka vendosur të mos i lërë lojtarët e tij të flasin për DAZN-in, por situata me “Sky” është e re dhe me siguri do të sqarohet në orët në vijim.
Gjatë ndeshjes mes Napolit dhe Juventusit u bë i ditur vendimi i klubit italian për të mos dhënë intervista për DAZN-in.
Në konferencën për shtyp, pas ndeshjes, vetë Aurelio De Laurentiis bëri të ditur vendimin, por pa treguar arsyet për këtë.
“E kemi mbyllur me DAZN-in: tani e tutje do të flasim me Rai-n dhe Sky-n”.
Siç ka raportuar më pas “Corriere della Sera”, Napoli është gjobitur rreth 100 mijë euro Lega Serie A për shkeljen e marrëveshjeve të të drejtave televizive./ Super Sport
Top Channel
