Ka shkuar në katër numri i të arrestuarve për trafikimin e lëndëve narkotike drejt Greqisë.
Më i fundit në pranga u vu sot 43-vjeçari me iniciale E. P., banues në Korçë, ndërsa të tjerët u vunë dy ditë më parë në pranga.
Nga hetimet rezulton se i arrestuari është bashkëpunëtor me shtetasin J. S., i cili u ndalua në Pikën Kufitare të Kapshticës, në tentativë për të trafikuar me automjetin e tij, drejt Greqisë 51 kg lëndë narkotike kannabis sativa.
Policia po vijon punën për të identifikuar dhe kapur personat e tjerë të përfshirë në këtë veprimtari kriminale.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
Top Channel
