VIDEO/ Pesë humbje radhazi, Manchester City turpërohet me katër gola nga Tottenham, Chelsea dhe Arsenali nuk gabojnë 23/11 20:33
Reali i Madridit vuajti kundër Leipzigut, por arriti të kualifikohej në tetë skuadrat më të mira të Champions League.
Rekordmenët e këtij kompeticioni, e mbyllën në barazim 1-1 duelin në “Santiago Bernabeu” përballë gjermanëve.
Leipzigu bëri mjaft mirë, njësoj siç vuri në vështirësi ekipin e Carlo Ancelottit në Gjermani, sfidë që u fitua 0-1 nga “Los Blancos”. Rezultat që ishte vendimtar në kualifikimin e iberikëve.
“Ishte një ndeshje të cilën e luajtëm keq, me pak intensitet dhe pa vëmendjen e duhur. Aspekti psikologjik bëri diferencën, ndikoi shumë tek ne. U përballëm me një skuadër me kualitet.
E vërtetë që ata nuk kishin asgjë për të humbur, ndërkohë që ne vuajtëm. Gjithsesi, rëndësi ka kualifikimi. Duhet të kishim bërë më shumë presing. U tërhoqëm shumë në mbrojtje.
Na munguan edhe vertikalizimet. Ishte një mbrëmje e shpifur, nuk kemi pse ta mohojmë. Duhet të kërkojmë ndjesë për këtë paraqitje. Ndodh të luash kështu në Champions, për fat nuk ndikoi në kualifikim.
I meritojmë kritikat. Duhet të bëjmë autokritikë, por pa e ekzagjeruar”, u shpreh trajneri italian, i cili u ndal edhe tek akuzat për evazion fiskal. Me prokurorinë spanjolle që kërkon 4 vite e 9 muaj burg për 64-vjeçarin emilian.
“Flitet për diçka që ka ndodhur në 2015 sepse mendojnë se kam qenë banor këtu. Unë tashmë e kam paguar gjobën. Nuk kam qenë rezident këtu në 2015. Jam i bindur në pafajësinë time, por le të shohim se çfarë do të vendosë drejtësia”./Supersport
Top Channel
