Seanca rekord përpara pushimeve të verës/ PS miraton 24 projektligje, opozitës i rrjedhin votat 27/07 00:50
City-United dhurojnë spektakël dhe gola në derbin e Manchester-it, me sfidën e luajtur në “Etihad Stadium” që u mbyll me rezultatin 3-1.
“Citizens” diktuan ritmin e këtij takimi dhe në fund përmbysën “Djajtë e Kuq”, duke marrë pikët e plota në takimin e javës së 27-të të Premier League.
Mjaftoi minuta e 8’ që pas asistit të Bruno Fernandes, Rashford të realizon një gol spektakolar dhe t’u jepte avantazhin miqve. Avantazh që zgjati deri në minutën e 56’, moment në të cilin Foden realizoi një perlë të vërtetë dhe barazoi për vendasit.
Ndërsa në minutën e 80’, i asistuar nga Alvarez, Foden përmbysi rezultatin me një tjetër super goditje. Sfida u vulos në minutën e 90+1’, me Haaland që shënoi golin e tretë për skuadrën e Pep Guardiolës si dhe i dhuroi qetësi për minutat e mbetura.
3-1 dhe Manchester City renditet në vend të dytë me 62 pikë, një më pak se Liverpool-i kryesues, teksa Manchester United renditet në vend të gjashtë me 44 pikë.
Manchester City-Manchester United (3-1)
Java e 27-të, Premier League
90+1′-Goool! Rodri dhuron asist, Haaland gjen rrugën drejt rrjetës.
80′-Goool! Alvarez dhuron asist, Foden realizon një perlë të vërtetë dhe përmbys United.
56′-Goool! Foden realizon një perlë të vërtetë dhe i dhuron barazimin skuadrës së City-t.
45′- Super rast për City-n, Haaland shpërdoron një mundësi të pastër për të shënuar.
19’-Foden tenton të gjejë rrugën drejt rrjetës ndërsa vendoset përballë Onana-s, por ndalet nga portieri i United.
08′-Gooool! United hidhet në sulm, me Fernandes që ia dhuron topin Rashford, i cili realizon një goditje spektakolare.
06′-Garnacho bën një kthesë të bukur të topit dhe provon të gjejë rrugën drejt rrjetës, por ndalet nga Ederson.
05′-City hidhet menjëherë në sulm, por Doku nuk ia del ta dërgojë topin në portë.
Formacionet zyrtare:
Top Channel
