Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Një teknik kompjuterësh ka helmuar për vdekje një çift sipërmarrësish pasi ndryshoi testamentin e tyre, ndërsa kontrollonte që ata do të vdisnin me një aplikacion në celularin e tij, u tha dje në gjyqin e tragjedisë në Britani.
34 vjeçari Luke D’Wit ishte miqësuar me 61 vjeçarin Stephen e gruan e tij, 64 vjeçaren Carol Baxter, duke u bërë për ta ‘si një djalë i adoptuar’ por rrjedhimisht i helmoi për vdekje me qetësuesin e fortë me bazë opiumi, fentanil.
Në gjykatën e Chelmsford në veri të Londrës u tha se zoti e zonja Baxter u gjetën të vdekur në shtëpinë e tyre në prill nga bija e tyre.
Prokurorja Tracy Ayling tha se D’Wit kishte instaluar “një aplikacion sigurie në celularin e tij” me të cilën monitoronte kamerat.
Çifti i pasur që kishin krijuar kompaninë e qilimave Cazsplash, u gjetën me nivele të larta fentanili në trupin e tyre, qetësuesi që besohet se është dhjetra herë më i fortë se morfina.
Më vonë u zbulua se D’Wit ishte në fakt përfituesi i një ‘testamenti shumë të çuditshëm’ që rezultoi se ishte krijuar në celularin e tij ditën kur u gjetën trupat.
Në tentamentin e gjetur thuhej se ‘miku ynë i dashur Luke D’Wit të jetë presoni drejtues” i biznesit të çiftit Cazsplash.
Ndërsa në testamentin origjinal thuhej se asetet e tyre i liheshin katër fëmijëve të çiftit, dy nga martesa mes tyre dhe dy nga martesa e mëparshme e zonjës Baxter.
D’Wit mohon vrasjen dhe zotërimin e drogës së fortë të përdorur, teksa gjyqi vazhdon.
Top Channel
