Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Një grua që besohej se kishte vdekur është zgjuar teksa arkivoli i saj udhëtonte drejt furrës së kremimit në Indi.
Disa ditë më herët 52-vjeçarja Bujji Aamma nga Berhampur, në lindje të Indisë kishte pësuar djegie të rënda në një zjarr në shtëpinë e saj.
Ajo kishte marrë trajtime në spital por rrjedhimisht ishte kthyer në shtëpi në gjendje të rëndë.
Prej gjendjes së vështirë ekonomike familjarët nuk e dërgonin dot në një tjetër spital, deri sa të hënën ajo nuk i hapte më sytë.
Bashkëshorti i Aamma, Sibaram Palo, duke besuar se kishte vdekur, nisi organizimet e transportit drejt vendit të kremimit.
Ai tha për rrjetin vendas ‘Times of India’: “Ne menduam se kishte vdekur dhe organizuam funeralin drejt vendit të kremimit”.
Një nga gratë që shoqëronte Aamma në makinën e funeralit tha se pak para nisjes së kremimit ajo hapi sytë.
Chiranjibi tha: “Nuk kishim parë kurrë një incident të tillë, edhe pse kishim dëgjuar histori”
Shoferi funeralit Khetrabashi Sahu, i cili kishte marrë trupin e Aamma nga shtëpia e saj më herët, u thirr përsëri për ta rikthyer në shtëpi gruan që merrte frymë.
Krematoriumet ne Indi thonë se nuk kanë nevojë për çertifikatë vdekjeje për të kryer ritet e fundit të një familjari të vdekur.
Ritet e fundit në kulturën indiane janë të lidhura me natyrën teksa personi i vdekur vendoset në një qilim përtokë, që simbolizon vdekjen në krahët e tokës, shkruan rrjeti Daily Mail.
Top Channel
