“Dërgoni raketat Ukrainës sa më shpejt”, Parlamenti Europian i bën presion Berlinit për raketat me rreze të gjatë Taurus
23/11 13:00
Sandrine Belier tha sot se organizata e saj ishte një nga 8 OJQ mjedisore që braktisën takimin në ministrinë franceze të bujqësisë për planin e reduktimit të përdorimit të pesticideve.
Drejtuesja e grupit të mbrojtjes së mjedisit e konsumatorit ‘Humanité et Biodiversité’ në Francë, Sandrine Belier tha sot se organizata e saj ishte një nga 8 OJQ mjedisore që braktisën takimin në ministrinë franceze të bujqësisë për planin e reduktimit të përdorimit të pesticideve.
“Dy orë takim pas asnjë axhendë, pa një dokument pune, përveç dëgjimit të deklaratave të reja, kjo nuk i shërbente askujt”, tha ajo.
Zyrtarët qeveritarë franceze thonë se janë nën presion nga fermerët për përdorim të pesticideve, por si fermerët dhe mbrojtësit e mjedisit kërkojnë monitorim të përdorimit të tyre.
Plani i mëparshëm parashikonte përgjysmimin e pesticideve të përdorura deri në 2030 në krahasim me vitet 2015-2017, por ky urdhër u pezullua nga kryeministri Attal “për të fituar kohë në krijimin e një njësie të re matjeje” në Francë.
Vendimi kishte kënaqur sindikatat fermerë por solli ankesat e grupeve mjedisore.
Zhvillimi vjen pas më shumë se dy javë bllokadash të fermerëve të cilët ndaluan veprimin e tyre në fillim të muajit pas premtimeve të kryeministrit për çështje të ndryshme si pesticidet, pensionet, thjeshtësimi i burokracive dhe standardeve të bujqësisë e blegtorisë.
Fermerët kërkojnë përdorimin e pesticideve për ruajtjen e masës së prodhimit të tyre ndërsa grupet mjedisore kërkojnë ndalimin e tyre prej pretendimeve se dëmtojnë shëndetin e konsumatorit.
Top Channel
