Analiza nga CNN: Katër vjet më vonë, Rusia ende po paguan për një gabim fatal në llogaritje në Ukrainë 21/02 19:37
Në pamje dramatike të publikuara sot shiheshin momentet kur një ballon me ajër të nxehtë përfshihet nga flakët kur përplaset me linjat e tensionit të lartë.
Tre njerëz humbën jetën në incidentin e djeshëm pranë fshatit Asureti, në lindje të Gjeorgjisë.
Pamjet tregojnë flakët që shkatërrojnë fillimisht ballonin dhe më pas djegin dhe koshin ku qëndrojnë njerëzit.
Era relativisht e fortë që frynte në zonë krijoi probleme që në fillim me fluturimin e ballonit, i cili lëkundej nga një anë te tjetra dhe nganjëherë prekte tokën e fushës.
Mjeti nuk arrin të fitojë lartësi dhe përplaset me linjat elektrike, pranë fshatit rreth 30 km larg kryeqytetit Tbilisi.
Një pjesë e ballonit bie duke u djegur përtokë, ndërsa pjesa tjetër mbete e varur në telat e tensionit të lartë.
Mediat përmendnin si një prej viktimave kameramani e rrjetit Imedi TV, Misha Bidzinashvili.
Në bord ishin gjithashtu piloti me eksperiencë Revaz Uturgauri, drejtues i federatës gjeorgjiane të aeronautikës, si dhe piloti polak Krzysztof Zapart që raportohet se ka vdekur në incident./Metro.co.uk/
Top Channel
