Incident gjatë punës! Kristi djeg duart, të papritura gjatë pjekjes së bukëve 27/04 19:52
Gratë kanë më shumë fantazi seksuale gjatë ditëve të tyre pjellore, sipas një studimi të ri të kryer nga studiuesit në Universiteti i Lethbridge në Kanada dhe të publikuar në Arkivat e Sjelljes Seksuale.
Studimi zbulon se fantazitë seksuale u rritën më shumë gjatë ditëve të tyre pjellore. Gratë gjithashtu raportuan një përqindje më të lartë të burrave në fantazitë e tyre në ditët pjellore të muajit.
Studiuesit kërkuan 27 gra heteroseksuale që nuk njihen me njëra-tjetrën, kryesisht studente, të mbanin një ditar fantazie për një muaj.
Pjesëmarrësit e studimit raportuan mesatarisht 0.77 fantazi në ditë. Në ditët e ovulacionit, u vu re se fantazitë ishin 1.3 në ditë. Gratë gjithashtu raportuan se këto fantazi ishin më eksituese në krahasim me fantazitë gjatë ditëve jopjellore.
Në fakt, gjatë ditëve të ovulacionit, përqindja e meshkujve të pranishëm në fantazitë e femrave arriti në 96%, duke treguar se hormonet e fertilitetit ndikojnë në interesat seksuale të femrave.
“Mesazhi i hulumtimit është se psikologët duhet të jenë më të kujdesshëm kur studiojnë dëshirën seksuale të femrave. Është e rëndësishme të jeni të vetëdijshëm për këto ndryshime në seksualitetin femëror kur hulumtoni faktorët e interesit seksual femëror. Gjërat më të vogla mund të bëjnë një ndryshim të madh në gjetjet, edhe kur atyre u kërkohet t’i përgjigjen një pyetësori ose kur vlerësohet zgjimi seksual”, tha autorja e studimit Samantha Dawson.
Top Channel
