Meghan Markle uron vajzën në 4-vjetorin e ditëlindjen: Çdo ditë me ty është më e ndritshme dhe më e bukur 04/06 14:05
Një tjetër video tmerri nga bota e egër tregonte sot një aligator që vriste një gjarpër piton në kënetat e Floridas në SHBA, e regjistruar nga një çikliste kalimtare.
Alison Joslyn, e cila është vrapuese dhe e apasionuar pas fotografisë së botës së egër regjistroi pamjet shokuese teksa kishte dalë me biçikletën e saj.
“Tani do të ketë një piton më pak për të terrorizuar ujërat e Everglades”, shkruante ajo pas postimit të videove dhe fotove nga lugina Shark Valley në parkun kombëtar Everglades.
Joslyn përshkruante ngjarjen si “të rrallë e të veçantë” duke theksuar ambjentin unik natyral të vendit.
Ajo shtonte se aligatori dukej i ngathët, ndoshta prej temperaturave të ftohta të ditëve të fundit ose dhe i lodhur nga beteja me pitonin.
“Megjithse fitimtar aligatori mezi lëvizte dhe vrisja mendjen nëse ishte nga i ftohti apo se e kishte kafshuar gjarpri. Ai nisi më pas ta hante por iu desh të ndalonte pasi ndoshta ishte shumë i madh”, shkruante vajza.
Pas asaj që me siguri duhet të kishte qenë një betejë e ashpër mes dy zvarranikëve, gjarpri kishte humbur në gojën e aligatorit 3.5 metra të gjatë, edhe pse tentonte të sillej rreth trupit të tij.
Pitonët nuk janë gjarpërinj helmues por Joslyn shkruante se kafshimi tij mund të kishte dëmtuar indet në gojën e aligatorit teksa të dy luftonin për mbijetesë.
“Unë e di që ata nuk janë helmues por aligatori kishte kokën e gjarprit në gojë dhe mendoja se mund ta kishte kafshuar teksa luftonte për jetën”, shkruan Joslyn.
Pitonët në Florida konsiderohet si specie invazive (e huaj) pasi nuk e kanë origjinën aty dhe shkaktojnë pasoja dëmtuese për ekosistemet e Everglades, shkruan Daily Mail.
Ata nuk sulmojnë njerëzit por kafshë të vogla vendase si rakunë, oposum e gjitarë të tjerë.
Gjarpërinjtë kanë vendosur tashmë popullatën e tyre në jugun e Florida dhe konkurojnë me specie ë tjera për ushqim, duke shkaktuar zvogëlimin e tyre, thonë zyrtarët.
Zyrtarët e botës së egër në Florida rekomandojnë “vrasjen e tyre në mënyrë humane” shpejt pas kapjes./Daily Mail/
Top Channel
